Nafarroako Legebiltzarrak Ikurren Legea indargabetu du. Geroa Baik EH Bilduk, Ahal Duguk eta Ezkerrak ikurren Legea kentzeko proposamena aurrera atera dute. Alderdien jarrera ikusi ondoren, ez dakit banderen aferarekin bukatu dugun, edo beste borroka latza izango den. UPNk dagoeneko iragarri baitu auzitara eramango duela ikurrina ikusten badu udaletxeetako balkoietan.
Ematen du proposamen berri honekin orain arte izandako inposizioarekin bukatuko dugula, lege hau sortu zen ikurrina debekatzeko, hemendik aurrera aukera edukiko dugu orain arte eskegi ditugun banderarekin ikurrina ere haien ondoan izateko.
Espero dugu banderen borrokarekin bukatzea, ikurrina herritarrek nahi izanez gero beste banderen batzuen ondoan izan baitateke.
Dena den, banderen eta izenen afera honekin, erabakitzeko unea ailegatu delakoan nago.
Denok dakigu, Estatutuak zer dio. Nafarroa eskubidea dauka Euskadin, Euskal Herrian, Pais Vascon izateko, gainontzeko eskubide berberekin. Areago, Estatutu osoa egina dago lau lurralde historikoak barruan izateko, horregatik dago erredaktatuta dagoen moduan. Eta horregatik jarri zuten leku guztietan EUSKAL hitza, pentsatuta zegoen euskal lurralde guztientzat, inor kanpoan utzi gabe.
Denok dakigu, hori ezinezkoa izan zen, eta bi Komunitate Autonomoa sortu ziren, bata Euskadi eta bestea Nafarroa; baina berriro diot, denok espero genuen soilik bat edukitzea, eta horregatik jarri zuten EUSKAL KOMUNITATE AUTONOMOA. Izan ere, Nafarroa Euskadi bezain euskalzale eta euskalduna baita.
Beraz, gaur Nafarroako Legebiltzarrean proposatu dutenei ontzat ematen diot, eta uste dut oso urrats aberatsa izango dela. Bada, Nafar asko eta asko ikurrina gure banderatzat ere baitaukagu.
Dena den, ez litzateke batere gaizki izango, horren gainean hausnartzea eta gaurko errealitateari begira bandera berri bat sortzea euskal herritar guztientzat, eta ikur hori aukera asko dauka, batzuentzat gaurko Nafarroako bandera, beste batzuentzat ikurrina, beste batzuentzat berri bat, beste batzuentzat Nafarroako arrano beltza izango litzateke egokiena...
Gerardo Luzuriaga
Antiguo símbolo navarro que ya aparecía en los documentos de la Edad Media.
